қыздар күні

16.10.2017

Саты жалпы орта білім беретін мектепте Халықаралық қыздар күніне арналған іс-шаралар ақпараты

Саты жалпы орта білім беретін мектепте Халықаралық қыздар күніне арналған төмендегідей іс-шаралар өтті. Мектеп психологы, аға тәлімгер және құқық пәнінің мұғалімі оқушы қыздармен дөңгелек үстел ұйымдастырып, 4-13 қазан аралығындағы өтіп жатқан онкүндіктің мақсатымен және 11 қазан Қыздар күнінің мәнін түсіндірді. Дөңгелек үстел барысында қыздарға өз құқықтары және оны қорғау туралы парақшалар таратылды, зорлық – зомбылыққа қарсы бейнероликтер көрсетілді. Қыздар іс-шара соңында алған мәліметтер бойынша шағын плакаттар шығарды.

16.10.2017

Саты жалпы орта білім беретін мектепте «Рухани жаңғыру» бағдарламасы аясында ұйымдастырылған іс-шаралар ақпараты

  Саты жалпы орта білім беретін мектепте мемлекет Басшысының «Болашаққа бағдар – рухани жаңғыру» бағдарламалық мақаласын іске асыру мақсатында бірыңғай сабақтар жүргізу аясында төмендегідей іс-шаралар ұйымдастырылды.

Мерекелік іс-шара құрметті қонақтарды қарсы алып, алтын ұя мектебімен таныстырудан басталды. Мектепке қадірлі қонақ болып аудан әкімі А.А.Қаңтарбаев және мекебіміздің түлектері Б.Ж.Ибраев – Шарбақты ауданының әкімі, Т.Ж.Сыздыкбаев, Д.Ж.Ибраева, С.С.Солтанов келді. Келген қонақтар бастауыш сынып мұғалімі Орынгазиева Дамира Орынғазықызының 2-4 сыныптар аралығындағы ұлттық «Асық games» ойынына, технология пәнінің мұғалімі Сыздыков Алтынсары Шакенұлының «Достық шеберханасы» ұлттық сәндік-қолданбалы өнер сабақтарына қатысты.  Мектеп мұражайының қорындағы түлектер, мектеп, ауыл жайлы деректер мен жәдігерлер түлектерді өткен шағына жетелеп, үлкен тебіреніске бөледі. Мерекелік шара мектептің түлегі Б.Ибраевтың демеушілігімен шахмат кабинетінің ашылу салтанатына ұласты. Аудан әкімі А.Қаңтарбаев шахмет кабинетінің ашылу рәсімін жасап, оқушылар алғашқы ойынын  көрсетті.Мектептің мәжіліс залында облысымыздың табысты адамдарымен және түлектермен кездесу өтті. Кездесу барысында аудан әкімі және түлектер сөз сөйлеп, өз лебіздерін білдірді. Мектеп оқушылары «Ашық микрофон» айдары арқылы қызықты сұрақтарға, мәнді жауаптар алып, өз өнерлерін әуелетіп ән айтып, би билеп ортаға салды.

         

Орындаған:Б.Солтанова

Ұстаз – ұлы тұлға

04.10.2017

Ұстаз – ұлы тұлға

 Ұстаз-ұлағатты сөз. Шәкірттерін білім нәрімен сусындатып тәлім тәрбие беру, жақсы қасиеттерді бойына дарытып, адамгершілік рухта бағыт бағдар беруде ұстаздың еңбегі зор. Сондықтан да ол әрдайым қасиетті тұлға ретінде ерекшеленеді. Жылда жаңа оқу жылымен қатарлас келетін, ұстаздар күні де күздің үлесіне тиіпті. (толығырақ…)

Қасиетті орындарға саяхат

25.09.2017

Қасиетті орындарға саяхат

           Елбасы Нұрсұлтан Назарбаев Қазақстан халқына биылғы Жолдауында «Қазақстанның қасиетті жерлерінің географиясын» құруды тапсырған болатын. Мемлекет басшысы атап өткендей, әрбір халықтың, әрбір өркениеттің баршаға ортақ қасиетті жерлері болады. Бұл – рухани дәстүрдің басты негіздерінің бірі. Ал біз – ұлан-ғайыр жері мен аса бай рухани тарихы бар елміз. Сондықтан осынау бастама ел көлемінде жаппай қолдау тапты. Біздің ауданымыздың әкімшілігі мен білім бөлімінің ұйымдастыруымен қасиетті және тарихи жерлерді келешек ұрпаққа насихаттау мақсатында 23-30 қыркүйек аралығында аудан мектептері арасында саяхат ұйымдастырылды. Аудан мектептері 3 топқа бірігіп, қасиетті және тарихи-археологиялық орындарға барды. 23 қыркүйек күні Саты, Малайсары, Жұмыскер, Қазақстан мектептерінің оқушылары мен ұстаздары Малайсары ауылының аумағында орналасқан Кемертұз көліне барды. Ен дала қырда орналасқан көлдің тұзы, балшығы, суы дертіне дауа іздеп барғандарға шипа болған. Көл басына орналасқан шипажайға ем қабылдау үшін шілде айында Қазақстанның түкпір-түкпірінен адамдар келеді. Көлдің табиғаты сондай сұлу көз тартады. Өз өңіріміздің киелі де тарихи орындарын білуде «Рухани жаңғыру» бағдарламасының алар орны ерекше.

 

   Солтанова Б.Қ тарих пәні мұғалімі

 

Отбасы күні

09.09.2017

 

 

 

 

Отбасы күнін мерекелеу шеңберінде 2017 жылғы 5-11 қыркүйек аралығында «Отбасы – бақыт мекені» республикалық апталығының жоспары құрылды. Жоспарға сәйкес төмендегідей іс-шаралар өтті. Атап айтсақ, мектептің кітапханашысы У.Кожанбаева отбасылық құндылықтарды насихаттауға бағытталған кітаптар мен суреттер көрмесін ұйымдастырды. Аға тәлімгер Д.Рыскулова 1-11-сыныптар аралығында қызықты билер топтамасы флеш-моб өткізді.  Сынып жетекшілер Смакова А мен Орынгазиева Д 1-4-сыныптар аралығында «Отбасым менің қуатым» атты сынып сағатын өткізді. Сынып сағатында отбасы құндылықтары мен отбасы мүшелерінің құқықтары, міндеттері туралы оқушыларға мағлұмат берілді. Оқушыларға отбасындағы қарым-қатынас туралы бейнефильм көрсетіліп, оқушылар өз ойларын айтты. 5-11-сыныптар аралығында сынып жетекшілер Солтанова Б., Каиргазина А, Сыздыкова Г. «Ата-ананы құрметтеу әр адамның қасиетті борышы» тақырыбында дебат өткізді. Дебат барысында оқушылар ата-аналар алдындағы міндеттері жайлы пікірталас өткізді. Дебат соңында 11-сынып оқушысы қорытынды ретінде өз өлеңін арнады. Технология пәні мұғалімі Ережепова А. «Менің отбасым» атты фотоконкурс ұйымдастырды. Оқушылар өздерінің отбасыларының бақытты сәттерінен фото презентация көрсетті. Дене шынықтыру пәні мұғалімінің мұғалімі Д.Солтановтың ұйымдастыруымен мұғалімдер отбасылары арасында «Көңілді эстафета» сайысы өтті. Осы сайысқа 5 отбасы (Шахан, Бағымжан, Ербол, Қасенғали, Дулатбек) қатысты. Жарыс соңында Шахан І орын, Ербол ІІ орын, Дулатбек ІІІ орын, Қасенғали ІV орын, Бағымжан V орын иеленді. 5-7-сыныптар аралығында пионербол, 8-11-сыныптар мен мұғалімдер аралығында волейбол жарысы өтті. Волейбол жарысында оқушылар командасы жеңіске жетті. Жеңімпаздар мақтау қағаздарымен марапатталды. Отбасы күніне арналған іс-шараға барлық оқушылар белсенді қатысты.

«Денсаулық фестивалі 2017»

09.09.2017

Саты жалпы орта білім беретін мектепте «Денсаулық фестивалі 2017»  күніне орай әр түрлі шаралар ұйымдастырылып өткізілді. Денсаулық күні «Өз денсаулығың – өз қолыңда» атты ұранды негізге ала отырып, фестиваль жалпы мектепішілік жаттығу жасау және флеш-мобпен басталды. Дене шынықтыру пәні мұғалімінің мұғалімі Д.Солтановтың ұйымдастыруымен мұғалімдер отбасылары арасында «Көңілді эстафета» сайысы өтті. Осы сайысқа 5 отбасы (Шахан, Бағымжан, Ербол, Қасенғали, Дулатбек) қатысты. Жарыс соңында Шахан І орын, Ербол ІІ орын, Дулатбек ІІІ орын, Қасенғали ІV орын, Бағымжан V орын иеленді. 5-7-сыныптар аралығында пионербол, 8-11-сыныптар мен мұғалімдер аралығында волейбол жарысы өтті. Волейбол жарысында оқушылар командасы жеңіске жетті. Жеңімпаздар мақтау қағаздарымен марапатталды.

1 қыркүйек – Білім күні

02.09.2017

 

 

 

 

 

     1 қыркүйек мерекесі барша адамзатты, әлемді ақ нұрға, шаттыққа бөлейтін  мерекелердің бірі. Саты жалпы орта білім беретін мектепте Білім күні мерекесіне «Мен – өз елімнің патриотымын» тақырыбында салтанатты жиын өтті. Салтантты жиынға мектеп оқушылары, ұстаздар, ауыл тұрғындары, ауыл әкімдігінен бас маман Камзина Б, ардагер ұстаздар Алдабергенова С, Сыздыкова З, аудандық білім беру бөлімінің әдіскері Сулейменова М, облыстық мәслихат депутаты Тусупбекова Қ.Ж қатысты. Келген қонақтар жаңа оқу жылымен құттықтап, мерекелік жиынды тамашалады. Облыстық мәслихат депутаты Тусупбекова Қарлығаш Жеңісқызы оқушыларды жаңа оқу жылымен құттықтап, «Мектепке тағзым» акциясы негізінде мектепке цифрлы фотоаппарат сыйлады. 1-сыныптың табалдырығын аттаған бүлдіршіндер өздерінің тақпақтарын мәнерлеп айтып берді. Осы бүлдіршіндердің әжелері тәттілерден шашу шашты. Алғашқы қоңырауды соғу рәсімін 11-сынып оқушысы Нұрлан Насихат пен 1-сынып оқушысы Бекмұхамбет Айзере өткізді. Сыңғырлаған қоңырау үнінен соң мектеп даярлық топпен 1-11-сыныптардың оқушылары жетекшілерімен сынып сағаттарына барды. Сынып сағаттары 2017-2018 оқу жылында Қазақстан Республикасының жалпы орта білім беру ұйымдарында «Мен – өз елімнің патриотымын» тақырыбы бойынша Білім сабағын өткізуге әдістемелік ұсынымдамада берілген тақырыптар мен жоспарларға сәйкес өткізілді.

1-4-сыныптар «МЕН –КІШІ ОТАНЫМНЫҢ ПАТРИОТЫМЫН»;

5-7-сыныптар «МЕН –ПАТРИОТЫМЫН»;

8-9-сыныптар «МЕН –ПАТРИОТ – АЗАМАТ».  Сабақ практик аға бағытталған құрылымға сәйкес жүргізілді. Сынып жетекшілер инновациялық технологиялар, әдістер, интерактивті тәсілдерді пайдаланды. Салтанатты жиынға келген қонақтар 4-сынып оқушыларының тәрбие сабағына қатысты.  

«Жас толқын-2017»

11.06.2017

Саты орта мектебінде «Жас толқын-2017» атты түлектер кеші өтті.

Страница 20 из 38« Первая...10...1819202122...30...Последняя »